歌手胡琳（Bianca）身處於冰島拍攝新專輯內兩首歌曲的MV。完成當日拍攝後，回程時卻遇上驚險意外。Bianca跟攝製隊坐的整架車倒後跣落另一條道路上，片段中可見現場白茫茫一遍，吋步難行，四周都布滿積雪，更清楚可見雪粉密集式灑落。Bianca以及製作團隊被救出逃離已傾斜的車廂，因突然再刮起強風，所以只可微弱聽見Bianca交代當時情況以及報平安，鏡頭一轉就見到已有警車抵達，眾人安全離開事發現場。
胡琳拍片交待意外嘅經過。
驚動警方
天氣變幻莫測
事後Bianca接受訪問時交代事發經過，她淡定表示今次是整個製作團隊第一次去冰島，所以在起行前都有做好多資料蒐集，例如拍攝地點、天氣狀況等。Bianca感嘆親身經歷過後才真正感受到冰島的天氣變幻莫測：「每5分鐘係一個季節，身體上嘅嚴寒喺拍攝嗰陣都應付到，但路面嘅狀況就真係一啲都預計唔到，當時我哋5點幾收工都仲係天光嘅，一路喺雪山公路上面行，天氣狀況都好正常，但突然之間就刮起一陣怪風，跟住啲雪粉就向住架車一直飄。」她指當時交由本地導遊駕駛，事發前所有人於車內都興高彩烈地拍攝車外橫風橫雪的情況，能見度非常低，突然就刮起一陣怪風。
天氣仲好凍
胡琳指當時由本地導遊駕駛車輛
現場能見度好低~
感激冰島人熱心救助
事發後，Bianca笑言自己當時唔識得驚，完全唔知發生咩事：「只係本能反應，好大力咁捉住隔籬攝影師件衫，其實都好搞笑，張開腳坐穩啲，跟住我聽番其他人講，大家雖然係驚，但個腦都空白晒，好好彩，導遊個電話有訊號，咁佢就打電話叫推車嚟救我哋，等咗一陣間就上咗另一架車。」Bianca又大讚冰島市民每一位都好熱心，短時間內連續有多架車輛都停低跑上前打開車門問候我們。佢又都驚嘆冰島四周景色非常美麗，未試過到如此多美景的地方拍攝，稍後會完成餘下未拍攝的部分，她表示希望順利完成返港。
架車跣落斜路。
仲有其他熱心嘅冰島人主動幫忙。
救星到！
揸車要非常小心~
（ON.CC）
