【老公涉毒被捕】開騷落淚:身為老婆嘅我亦一同反省中

韓國41歲「OST女王」白智英2013年跟細9年嘅韓劇《屋塔房王世子》32歲男星鄭錫元結婚,兩人現時育有一女,不過鄭錫元噚日被爆涉嫌喺澳洲吸食毒品,被警方緊急逮捕後受查近22小時。

因涉毒於前晚被捕的鄭錫元遭扣查22小時後,於昨晚獲釋。

二人於去年5月首度榮升父母,現育有一名女兒。

雖然老公涉吸毒,但白智英為咗遵守同粉絲嘅約定,今日如常喺首爾奧林匹克舉行個人演唱會。而白智英亦有喺台上落淚剖白心境:「首先好感謝今日嚟演唱會嘅大家,我都知大家好擔心,所以冇可能唔提呢件事。我都係透過報道先得知(老公涉毒)呢件事,之前咩都唔知。我丈夫做咗好大嘅錯事,正為事件反省中,而身為老婆嘅我亦一同反省中。」白智英又表示因為今次嘅事令佢諗返起結婚時嘅誓詞,稱無論係開心定困難嘅情況都會陪喺老公身邊,以廣闊嘅胸襟守護對方。白智英坦言要如常今日嘅演出其實好難,但為咗粉絲會鼓起勇氣演出。

 

 

(Apple Daily)