【生完B十五日】野生捕獲全智賢孖老公出巡

韓國36歲女神全智賢2012年同圈外老公崔俊赫結婚後,前年2月誕下囝囝首度做父母,上月26號兩人再有好消息,女神平安誕下次子,榮升幸福一家四口。

雖然生完B只係15日,不過全智賢身體康復得好快,佢亦唔似香港傳統一樣生完仔要坐足月,今日大約下午5時,有網民就上載全智賢夫婦嘅新照片,網民喺韓國捕獲全智賢夫婦。

全智賢同老公去咗一間類似咖啡店嘅店,兩人買住櫃面嘅曲奇餅,唔知係唔係想買來食,不過由於韓國天氣好凍,素顏示人嘅全智賢都即時披上毛毯取暖,以免凍親。

(蘋果日報)