憑一曲《勾手指尾》成名嘅歌手鍾一憲（Jason）近年北上發展順利，最近再度接拍新戲，點知勁唔好彩受傷兼遇上黑仔事，認真「慘慘豬」！Jason今日喺微博分享受傷經過，佢透露拍打戲時唔小心整傷條腰，結果企唔到、仲行唔到路，要漏夜趕去醫院檢查，依家暫時以輪椅代步。雖然未知傷勢如何，但幸好佢完成晒所有拍攝工作，可以留喺屋企養傷，佢仲苦中作樂咁自誇：「坐着輪椅的我都這麼好看。」
Jason近年北上發展都幾順利。
不過坐輪椅嘅Jason都不忘讚吓自己。
至於另一件黑仔事，Jason喺文中表示離開酒店房間前，床頭嘅插座突然爆炸！成間房都被熏黑，佢本人亦嚇親爆喊。好彩個人冇事咋，祝佢早日康復！
黑開有條路嘅Jason仲遇上插座爆炸，唔通佢流年不利？
Jason留言：「這幾個星期剛好遇上武漢這幾年來最大的雪，這個天氣每天開工凍成一坨屎一樣，殺青前幾天拍打戲時腰還傷了，走不了路，站不起來。凌晨趕去醫院，最擔心受傷了影響進度，怕大家趕不及回家過年，七七四十九彎，終於殺青了。走前離開酒店還遇上床頭爆炸，整個房都被煙熏黑了，嚇到我們眼淚都掉出來了，真是驚喜，真的是一個非常特別的Experience。人生第一次受傷坐輪椅，但連坐着輪椅的我都這麼好看哈哈哈哈哈哈。一直都不敢說受傷的事怕家人朋友擔心，但現在戲都拍完了，就沒甚麼怕了哈哈哈哈，我媽看到這條朋友圈應該會罵死我。謝謝各位這段時間來的照顧，特別是特地飛過來照顧我的兩位，謝謝關心過我的每一位，新年剛好可以休息一下養養傷，希望各位都身體健康。」
最近仲接拍咗新戲。
點知佢勁唔好彩咁整傷條腰！
(ON.CC)
