【收到生B秘方】李亞男:我可以安心生仔啦!

藝人王祖藍偕嬌妻李亞男辦年貨,兩公婆講到狗年添丁這個話題,即公然耍花槍,亞男更作狀搶祖藍利是,辦年貨亦不忘打情罵俏,認真恩愛!除咗有心有力!

仲要有時間

祖藍同亞男一定得~

祖藍話收到生仔秘方~

收到生B秘方

祖藍預告農曆年期間會與老婆出外度歲,他接受東網訪問說:「我哋唔係避年,而係我同亞男結婚紀念日係2月14日,所以每年呢段時間都會去旅行,今年會先同屋企人一齊去,跟住再二人世界,返到香港都未過正月嘅,我都會照樣派利是!(狗年想添丁做老竇?)已經有好多人畀咗各種秘方我,有啲仲係教點樣三年抱四添,今年我公司有幾個製作,我會拍劇同做綜藝節目,公司上咗軌道,我安心生仔喇!」

可以三年抱四!

咁就狗年開始起行啦!

亞男就辛苦啲喇!

兩公婆寸寸貢

亞男聽到祖藍說要三年抱四,她說:「承你貴言,三年抱兩啦!除咗出嚟辦年貨同準備利是,新年嗰陣我仲會送我嘅書畀大家!(唔怕人話『書書』聲唔好聽?)Sorry,應該係食譜,我鬼妹仔性格,其實出年係咩年我都唔知,成日被王祖藍寸,其實佢寸我可以返屋企寸,唔好寸到落街囉!」不過佢話三年抱兩先喎!

場地:裕生海味
服裝:FatBoySlim852(王祖藍)、Maje(李亞男)

(東方日報)