【奇蹟出現】自爆曾中風 存活率僅5%重新學寫字!

憑《本能》(Basic Instinct)紅盡荷里活的影星莎朗史東(Sharon Stone)近日自爆2001年中風後,曾一度被告知僅得5%生存機會,最後執番命仔,不過都要重新學講嘢與寫字!

現年59歲的莎朗自言43歲當年因中風而腦出血9日,導致她有生命危險:「我只得5%機會生還,當我中風(康復)回家,我幾乎行唔到路,我嘅髖關節不穩,我左眼睇唔到嘢,左邊耳仔亦聽唔到嘢。」她自言之後用上幾年慢慢學寫字以及講嘢:「我有三年時間寫唔到自己個名,我無辦法令手臀跟住我思想咁去做,所以我要重新再學閱讀同寫字,仲要再學講嘢,用咗幾年去感覺左腳(知覺)『回歸』,好彩(左腳)最後都番咗嚟!」好彩現時已經康復!

莎朗另表示靠睇電視度過復康生活,指劇集有助她重新學習對白以及恢復拍攝記憶,她又指當時曾一度唔識講對白,幸而現時已經康復,莎朗將主演HBO新作《Mosaic》,而她亦自爆自己是英國劇集的粉絲,大讚人氣劇《王冠》(The Crown)外,更自言愛睇《神探福爾摩斯》(Sherlock),更笑稱自己為「Cumberbxxtch」,即主演「福爾摩斯」的英國男星班尼狄甘巴貝治(Benedict Cumberbatch)的粉絲!

她更自言愛睇英劇,迷「福爾摩斯」(右)!

(東方日報)