唔少藝人喺初三搞團拜，林奕匡凌晨貼出拜年，原來佢哋去咗探杏兒囝囝「Baby Lee」，一齊食飯仲有陳智燊、宋熙年、黃智雯、胡定欣、岑潔儀等，原來噚日杏兒都有下廚，親自整咗足料碗仔翅。
定欣都有喺IG PO相，仲話：「大肚Dum Baby Lee! 祝您快高長大，聰明伶俐，要孝順父母!!❤ 要抱你，真係要做多d gym先得💪🏽💪🏽💪🏽😘
#尋日佢同我單眼仔 #呵呵 #阿B開心到頭髮樹起😝」
望返張相，又真係幾搞笑！
此外，TVB藝人有啲去咗樂易玲屋企拜年，有啲就去咗田蕊妮屋企食飯，杜汶澤負責整美食，唐詩詠、吳業坤、何遠東、車婉婉同賴慰玲都有去，車婉婉仲帶埋老公同囝囝BBQ現身，見BBQ肥嘟嘟成隻「米芝蓮」咁，相當可愛，而田蕊妮都有抱賴慰玲囝囝Marat影相。
賴慰玲喺IG貼出同阿田嘅合照：「今日杜田家拜年，食極都有得食!仲不斷派「利是」，已經開咗個好年啦!坤哥終於見到我個仔。」
之後阿田又搞笑咁再貼一張手抱住賴慰玲囝囝嘅合相，留言：「呢個BB飲奶飲醉咗。」
(蘋果日報)
