岑麗香自從16年同強強結婚，一直都想進一步榮升做人母，可惜工作忙碌嘅佢，劇接劇之餘，仲有好多商演同廣告等住佢，搞到老公仔強強都忍唔住投訴。
今日有周刊報道話香香為咗O氹番老公，就喺農曆新年，向大台請咗一星期假，陪老公一齊返加拿大同家人過年。
報道入面講到，香香嘅身邊人透露，話香香唔止要拍劇，結婚仲冇影響人氣，反而多咗job，拍廣告、出席活動等等，身邊人話香香覺得冇理由有錢唔賺，但強強就唔想老婆太辛苦，兼且結婚一年都冇乜時間過二人世界。
香香就趁農曆新年假期，請咗一星期假陪老公返加拿大探親。上星期一(12日)周刊就影到香香拍完劇，趕入機場會合老公，而強強亦好體貼咁提早入機場check in，真係好sweet㗎，唔知佢哋會唔會趁呢個年假，製告「小強強」或者「小香香」呢！
(蘋果日報)
