男星吳尊出名係好爸爸，一有時間就會帶囡囡Nei Nei同囝囝Max周圍玩，呢日佢就同一班男友人喺泳池邊搞咗個燒烤Party，仲拖埋Nei Nei出席添！
話明係泳池邊開Party，又點少得剝衫晒肌嘅環節呢？有一身結實肌肉嘅吳尊索性全程赤膊上陣，仲同一班猛男一齊鬥谷肌肉，當中連一個5歲嘅小朋友亦加入戰團，真係隔住個Mon都Feel到肌味濃呀！除咗晒肌外，吳尊仲一邊抱住囡囡，一邊燒嘢食，令網民大讚佢Man到爆！
一邊抱女一邊BBQ。
睇嚟得最右邊位猛男可以同吳尊（右四）較量吓。
呢位潮爸冇得輸！
(東方日報)
