李璨琛(Sam)在年初二涉醉酒駕駛被捕，雖然已獲准保釋，但三月下旬需返警署報到。
原來42歲嘅李燦琛即將為人父，同佢結婚5年、任職時裝設計師嘅太太梁志瑩(Pae)懷孕8個多月，預產期喺今年3月。據悉李璨琛對於自己醉駕被捕都好後悔，原本想親自駕車送老婆入院，依家都做唔到。
但其實李璨琛真係好錫老婆同即將出世嘅BB，早前Pae就喺ig貼咗老公專登報讀新手父母程，學習點樣餵奶同換尿片，老婆Pae留言﹕「加油呀爸爸! 我對你好有信心！你是最好的!」而在今個情人節，李燦琛都有陪喺老婆身邊。
Sam個多月前已經去上新手父母課程。(ig圖片)
Pao臨盤在即，但身形都keep住纖瘦。(ig圖片)
今個情人節，兩人一齊慶祝，Sam仲俾老婆笑佢開心到反白眼。(ig圖片)
而李璨琛喺醉駕之後一直潛水，希望佢做咗人爸爸之後，真係要生生性性，為人為己，唔好再醉駕喇！
(ig / apple daily)
