吳若希今日喺康怡廣場出席新春活動，同財神齊齊派優惠劵、玩遊戲。
吳若希透露新年期間帶囡囡淼淼（Giselle）返鄉下福建：「太公太婆第一次睇佢，佢哋年紀大，平日精神都唔係咁好，但係見到個（曾）孫女就精神晒。」
吳若希笑指爺爺嫲嫲話囡囡似奶奶，令佢很傷心：「唔似自己會唔開心，咁似奶奶，應該係奶奶自己生㗎嘛！嫲嫲仲叫我生對孖嘅畀佢湊，遲多一、兩年先啦。」
吳若希仲話今個新年囡囡成日叫媽媽，原本係好值得記念，不過個女發脾氣先叫媽媽，玩嗰陣就叫爸爸，搞到佢話好傷心。
(蘋果日報)
【爺爺嫲嫲話囡囡⋯】吳若希勁傷心
