【林峯孖堂妹返家鄉過年】吳千語就去咗⋯

藝人吳千語與林峯嘅戀情最近被指正處於冷靜期,撞正新年林峯孖住堂妹林夏薇、細佬等返家鄉廈門度歲,就係唔見千語BB嘅蹤影,過時過節都唔一齊過,佢哋嘅關係到底係點,真係當事人至知。

雖然吳千語冇跟男友齊齊返廈門,不過佢都不愁寂寞,約埋一大班姐妹組團滑雪,團友之一、內地藝人程曉玥就上載咗多張合照,見到千語同姐妹們攬頭攬頸,笑容十足,心情靚靚享受雪景,望多幾眼,原來連人妻Angelababy(楊穎)都係團友。

一大班靚女仲冒雪排排企影靚相,又真係估你唔到原來吳千語同Baby係識嘅,仲會Friend到一齊去滑雪,再加埋另一張合照出現嘅內地超模何穗,呢個組合真係令人夠晒意外。

(on.cc東網)