【好快又生返出嚟】曹永廉:又再度復發

    藝人曹永廉被蕭正楠爆生蛇,正忙於趕拍《包青天再起風雲》的他接受傳媒電話訪問時笑說:「依家都係好細條啫,事發到依家四、五日度,食咗藥,有少少腌住痛咁,都事發三日先去睇醫生,因為佢都生過蛇,影咗相畀佢睇話似先去睇醫生。阿蕭嗰條蛇都係冬眠啫,夏天好快就出返嚟!」

    曹永廉被蕭正楠爆生蛇。
    曹永廉除了肚生蛇外,早前腳部亦曾接受啫喱瘤切除手術,他透露又再度復發。

    曹永廉早前入院做手術割除啫喱瘤。
    「好快又生返出嚟,可能係勞損,所以每一日都要自己篤穿佢,擠番啲啫喱出嚟,冇計啦,做手術要休息三、四日,因為套劇都幾趕,之後仲要返內地,咁冇法啦!(請假休息?)我冇冧廠,我呢啲老一輩演員唔敢冧廠!(太太照顧?)邊有得搞,呢啲要靠自己食藥。」

    曹永廉正忙於拍攝《包青天再起風雲》。

    (on.cc)

    SHARE