現年39歲嘅朱相昱與32歲車藝蓮，因合作拍攝劇集《華麗的誘惑》而撻着，兩人去年成婚後，同年12月宣佈車藝蓮懷孕喜訊，不過車藝蓮就一直低調，未有公開懷孕幾周以及BB性別。
不過朱相昱就Keep住公開愛妻情況，好似今日佢現身新劇《大君－繪製愛情》嘅發佈會時，就表示老婆依家已經懷孕近5個月，並公開多謝老婆：「感謝(太太)一直喺背後為我應援，因為係好艱難嘅時候，卻喺身邊支持我，真係好多謝。」
朱相昱又爆料車藝蓮係陀B女，所以將原先「大君」嘅胎名，改為「大順」。
另外，正停工安胎嘅車藝蓮，日前喺Instagram上載《大君－繪製愛情》嘅劇集海報，為老公宣傳，真係好老婆。
(蘋果日報)
