電眼男神梁朝偉早前就同老婆劉嘉玲放假，去咗北海道滑雪，同行嘅仲有歌神Eason陳奕迅同老婆徐濠縈，今日偉仔就喺微博上載佢哋同將於3月7日44歲生日嘅徐濠縈提早慶祝生日嘅相，徐濠縈除咗有男神偉仔同嘉玲同佢慶祝外，原來仲有台灣男神張震呀！
徐濠縈今個月7號就44歲生日，老公Eason同偉仔、張震齊齊同佢慶祝。
你睇幾多人同阿徐慶祝。(微博圖片)
(ig截圖)
相信壽星女徐濠縈得到咁多「神」同佢慶祝生日，一定好開心，佢亦有喺ig story度影咗個生日蛋糕，話係佢嘅第三個生日蛋糕喇！而偉仔亦上載咗一張ig story嘅截圖，見到Eason好陶醉咁笑晒，而阿徐就嘟晒嘴咁想錫吓老公，真係好鬼sweet㗎。除咗壽星女開心，連Eason同偉子都好開心喎，佢哋仲係到大耍詠春，笑得好開心㖭！
IG
IG
(蘋果日報)
