經歷閃婚及離婚，事業又大起大落，近年已覓得第二春，同服裝設計師男友A先生已交往6年。
報道指，經典催淚劇《一公升眼淚》31嵗女主角澤尻英龍華一改以往臭脾氣，近幾年已走出事業低潮，工作量不斷，上月底還被拍到參加電影《不能犯》嘅劇組慶功宴，開心地同男主角松坂桃李及其他拍檔把酒言歡，之後又同曾拍台劇《流氓蛋糕店》嘅日籍男星天哲前往六本木酒吧直落飲酒。
《一公升眼淚》女主角澤尻英龍華
後來飲到開始有醉意，設計師男友專程到場接佢回家，對澤尻可謂呵護備至。原來男方正與澤尻母女三人同住，不過當晚兩人返抵男方自己寓所，直到第二日都唔見澤尻離開。據知情者透露，澤尻之前與大22歲嘅高城剛結婚又離婚，一度唔想再當人妻，不過佢同男友感情越見穩定，令澤尻已改變主意，唔排除再婚圓母親嘅抱孫心願。
目前與現任男友A先生過住甜蜜同居生活，澤尻嘅法國裔阿媽最近向友人透露想盡快抱孫，似乎有意無意向女兒下催婚令。
（Apple Daily）
