【傳婚期延遲】凌晨PO合照表示胡說八道會…

胡說八道會久唔久就聚埋一齊Girls』 Talk,李施嬅凌晨喺IG貼出四張合照,張張相佢哋都chok爆擺出唔同甫士,胡杏兒、胡定欣、胡蓓蔚、李施嬅、黃智雯及姚子羚,六個女人一個堆,攬頭攬頸。

之但係見李施嬅打hashtag,指「just be happy(只要開心)」、「we support no matter what decisions by yourside(無論你作出任何決定,我們都支持)」,又話「撐你」。

未知李施嬅講要「支持嘅人」係唔係黃智雯呢!

早前有傳姚子羚同黃智雯繼胡蓓蔚、胡杏兒之後,最快出嫁,去年黃智雯搬咗去男友詹文天嘅豪宅疑同居試婚,今年就同拍拖約4年嘅男友拉埋天窗,不過噚日有報道指,黃智雯見大台花旦走晒,佢想以事業為重,將婚期延遲,更搬離出愛巢。

未知佢啲好姊妹係唔係講緊呢單呢!?

(蘋果日報)