藝人陸永忙於工作，太太Reina則全職照顧兩個女。Reina喺社交網上載咗兩張電話對話訊息截圖，大致表示與人發生了交通意外，對方願意簽和解紙和賠款，又指知道Reina是名人，希望可以報價平啲，最後Reina開出約二千六百元的賠款。
陸永一家
但經過一段時間有人疑因個人理由仍未簽和解紙和疑未賠款，令Reina收到警署方面通知事件仍未settle，要求她去警署落口供。由於事件擾攘咗一段事間，令Reina不勝其煩在網上發文：「人善被人欺，早知返原廠整claim保險好過！唔通我未收你錢，我同ah Sir講你已經賠咗畀我咩？落口供就落口供囉，輸咗我咪畀堂費囉⋯⋯ 我有時間，我唔怕麻煩！痴（黐）X線，毛啦啦受你氣！我好等2600開飯呀。」
陸永嫂貼出對話截圖。
(on.cc)
