當年樊亦敏參選完港姐後就簽約TVB，其後更到內地發展仲做女主角。星途原本應該一帆風順，可惜因為哮喘病不得不回香港就醫，「個陣拍拍下就發作又要去吸，一日吸3次氧氣，同埋拍戲拍得好攰，唔願同人講嘢。所以當時同傳媒關係都不太好。」幸好返到香港後經過中西醫調理後，現在已經痊癒。
原本係內地拍劇嘅樊亦敏，因為哮喘病太嚴重，搞到要即刻回港就醫。
Amy指當時如果到外國工作，隨身行李要帶一箱藥，「一做完嘢就無咩心機同人講嘢，所以咁多年同記者關係麻麻地，因為長時間笑唔出。」她表示因為除了參加港姐前拍廣告，其實是完全沒有工作經歷的，「我係家中獨女，平時唔係好講野，突然之間見到好多人就好驚，可以話係『受保護』動物。」
《波士早晨》中Amy飾演嘅秘書Ca姐，好多觀眾都好鍾意。
講到剛入行的經歷，Amy亦講到津津樂道，「我初初返香港，除左識劉德華成龍之外，其他人完全唔識，我見到直頭係呆咗望住佢，之後我又有記憶困難症，電話號碼又記唔到，又叫錯人名。以前拍劇，嘅監製企喺我隔離，我都問佢係邊位，個腦長期思緒紊亂嘅人。」她笑言會這樣子是因為後父是日本人，在家中只講日文同英文，「變左見到啲人唔識講嘢，人地同我講嘢我要諗好耐，變左個人好遲鈍。」相比起初入行，Amy的確發福了不少，她表示，「後來好返個人開始開心返，笑得多個人開始肥，其實公司有叫我減，但我不斷笑，所以我覺得自己係不斷肥緊。但其實有後遺症係真嘅，因為食得太多類固醇，自己都有慢慢做下運動。」
最令網友讚賞的一定是Amy幫好友劉家輝發起fans籌款活動，被家人拋棄並索錢，更遭到同事的背叛。，被大讚有義氣，Amy就話，「有無義氣呢樣嘢，我又唔敢講，因為成件事有好多人都有幫手，只不過我企係前少少。咁有好多朋友都幫助佢，師傅個case比較特別少少，大家無諗特別會點，儘量幫手，只不過係做一件事。」至於師傅現時的身體狀況，Amy透露師傅好好，「前幾日有出黎飲茶，但出黎要睇好多嘢，要睇天氣、洗唔係做training，依然好鍾意出街，keep住好靚仔，好貪靚。」
Amy透露現時劉師傅身體狀況良好。（視覺中國）
(hk01)
