佘詩曼拍住黃子華合作嘅賀歲片《棟篤特工》大收旺場，早前衝破四千萬票房。子華喺多次訪問中都大讚呢位合作多年嘅拍檔keep得好，佩服阿佘每次拍完通宵戲，第二朝早上見面，個個想殺人咁嘅樣，唯獨阿佘皮膚依然白裏透紅，仲可以笑面迎人。
噚日阿佘就開facebook live分享美顏心得，雖然佢只係薄施脂粉，但唔少網民不停留言讚佢靚女。心情大靚嘅阿佘話：「女人要愛錫自己，尤其係大家工作咁忙，一定要好好注意身體，要keep到好精神，我每朝早上都會空肚飲滴雞精，暖笠笠又可以補身，加一個紫薯夠高纖維，健康得嚟又有營養，可能因為咁，唔化妝面色都紅卜卜，好氣色應該由內調理，先可以靚到出嚟。」
此外，阿佘透露過年時玩得好攰，現在已回復工作情緒。
(蘋果日報)
