【對方好優秀】方力申閃婚!?

    方力申同鄧麗欣十年情告終,兩個暫時都未有著落。

    相關圖片

    方力申今日喺商台接受李居明訪問,起初佢想問有關事業運,點知師傅偏重講感情運,師傅指小方2020年會遇上真命天女,甚至有機會閃婚,小方笑言:「師傅話我50歲後,婚後仲暗有情人,我驚啲fans聽到會誤會。」

    至於點樣遇上真命天女,小方指師傅講應該喺水上認識,對方可能從事股票、旅遊同揸船等,更加喺該行業界別中好優秀,小方又話:「師傅話對方可能比我大,我話係咪pat pat比我大,因為我年紀都唔細,我都夠成熟。」

    講到事業上,師傅指小方適合水,提議小方每朝起身以花灑沖涼,以助運程,2020年可以發展同水有關事業。

     

     

    (Apple Daily)

    SHARE