有請 #殺破狼貪狼 主題曲 #月亮代表我的心 及經典歌曲 #男朋友 原唱 #古天樂 先生上台！！🎤🎤#其實我哋都估唔佢會上台#回答我可不可以暫時讓我講出感覺後#好多回憶啊#香港電影工作者總會春茗#獨家What an amazing moment!! Thank you Louis for being such a good sport! 🎊🥂#LouisKoo J.Arie 雷深如 小肥 24HERBS 廿四味 #RB阿正 Yusuke Hatano 波多野裕介 – Composer 作曲家 Dough-Boy
由王梓軒 Jonathan Wong Chee-hynn 发布于 2018年3月12日
由 Susan Shaw 发布于 2018年3月12日
人一世物人世，可以不顧一切同班朋友瘋狂一番，將來諗起都絕對係美好回憶。呢晚電影工作者總會春茗於尖沙咀舉行，J.Arie、小肥、王梓軒等擔任表演嘉賓上台獻唱助慶，其中一首曲目竟然係應屆演藝人協會會長古天樂，當年嘅經典金曲《男朋友》！好大嘅膽呀！
今年初古天樂當選最新一屆演藝人協會會長，肩負維護藝人嘅重任，佢除咗係演員，仲係電影公司及經理人公司老闆，當然啦大家絕對唔會忘記，佢曾經仲係一位歌手。呢日電影工作者總會春茗上，J.Arie、小肥、王梓軒等擔任表演嘉賓，本身唱緊《月亮代表我的心》，唱到中段王梓軒話：「古會長喺邊呀？呢首歌係佢唱架噃，歡迎呢首歌嘅原唱，古生。」
唔知呢一Part係咪事前有綵排過，古天樂聽到佢地叫名，就喺席間起身行上舞台拎起支咪。點知，一上到台《月亮代表我的心》音樂就停，再響起時就變成「回答我可不可以暫時讓我講出感覺後……」古仔個表情瞬間凝固，本身好近口邊嘅咪緩緩放低，眼神望住唱到好high嘅幾位似笑非笑，真係心都寒埋。幾位歌手愈唱愈high仲叫大家「Push your hands up」，古仔敵唔過盛意拳拳最終都唱咗兩句。
古天樂一上到台，音樂由《月亮代表我的心》開始慢慢轉歌。
事後王梓軒上載短片留言話：「有請 #殺破狼貪狼 主題曲 #月亮代表我的心 及經典歌曲 #男朋友 原唱 #古天樂 先生上台！！」而J.Arie激動表示：「人生有咩癲得過，喺古天樂古先生面前，大大聲聲唱佢既金曲《#男朋友》好爆……真係好爆，因為從來冇人夠膽係佢面前唱多謝我既No.1偶像古生！！！」更上載一張合照，睇嚟真係相當盡興。
敵唔過全場人起哄，古天樂最終都有係咁易唱幾句，好正呀﹗
