【 終於守得雲開… 】 窮到住劏房 變殺入紅館?!

入行9年的歌手李幸倪(Gin Lee),與舊公司完約後曾有過長達兩年的迷失期,生活拮据,日夜爆喊!如今終於捱出頭,如願於6月23日假紅館舉行處女騷《Gin Lee李幸倪First Of All Live Concert》,她特意帶記者重遊舊寓所附近,重溫「迷失期」的點滴!

唔敢出街

廣告

除了忙於籌備廣東及國語新碟,Gin Lee正密鑼緊鼓備戰演唱會,她說:「與其話係演唱會,其實係一套兩個幾鐘嘅電影,同大家分享我嘅人生故事。」其歌手「生涯」起起伏伏,2014年她與舊公司完約後「迷失」了兩年,當時居於北角劏房的她僅活躍於北角碼頭一帶:「成日嚟呢度散步,坐喺度食粥望海,嗰時啱啱到香港冇朋友,好多時都係周圍行吓。(經濟狀況點?)慘囉!手停口停好潦倒、好大壓力,又要交租,仲第一次冇勇氣出街,驚見到嘢想買都買唔起!」而她最大的困擾是不習慣向人傾訴,包括家人。

同事接濟

Gin Lee又說:「嗰時我每日都淨係食屋企現有嘅食物,有啲舊同事知道我情況,我冇講,但佢哋察覺到,會帶食物同買埋衫畀我着。」日日爆喊的她曾想過放棄,幸好夠樂觀,提醒自己撐落去!談及處女騷,Gin Lee希望音樂行先,但亦會表演舞蹈,又笑言會挑戰性感衣着「派福利」。

Gin Lee以前就係住喺北角嘅劏房。
廣告

開始步入坦途。

仲連出街嘅勇氣都冇!

幸好難捱嘅日子已經過去!

恭喜晒!

李幸倪在碼頭攞住碗粥,百般滋味在心頭!

回想當時,Gin Lee話自己手停口停好潦倒。

話因為驚見到嘢想買都買唔起!

嚟緊6月會喺紅館開騷。

繼續加油呀~

李幸倪捱過迷失期。

壓力好大!

佢話自己當時最大嘅困擾係唔習慣向人傾訴,包括家人。

真係有實力嘅人始終會得到賞識!
 (東方日報)