近年無綫唔少嘅靚女新聞主播都紛紛離巢，好似有「嘉倩BB」之稱嘅陳嘉倩、鄭萃雯（Karen）等。不過唔緊要，仲有一班男主播喺度撐住！由亞視過檔到無綫嘅王俊彥舊年由記者轉咗去做新聞主播，前日（17日）佢仲娶埋圈外女友，榮升做人夫添！
除咗晒婚戒之外，王俊彥仲上載咗同太太喺飛機維修區影嘅結婚相，並留言：「天氣就是預期。1星期前預測仍然大霧潮濕，擔心到一個點。係念力，天氣先咁靚。3月17日.春」
此外，佢亦自爆結婚當晚喺台上爆喊，仲話希望冇嚇親人，留言：「要道謝既（嘅）不止於台上所言，希望淚水唔會嚇親大家。兄弟姊妹實在唔話得，一直趕rundown，試過落後好多又唔知邊度追返。攝影團隊專業細緻，去到呢度影相太鍾意了，好想睇相，王先生王太太。」今日佢亦都有POST出同太太食早餐嘅短片，片中見佢哋身處喺機場，睇嚟應該係出發去度蜜月！
王俊彥晒靚靚老婆。
（on.cc）
