【圈中嘅模範夫妻】 羅馬鬥獸場晒恩愛!咁班囝囡呢?!

藝人陳豪同陳茵媺出晒名係圈中嘅模範夫妻,近日佢兩個就飛到意大利去旅行,期間仲大派「閃光彈」兼上載多張自拍照同網友開心Share。今日陳茵媺喺社交網站上載陳豪喺羅馬鬥獸場前面嘅合照,佢哋喺相裏面攬到實一實,茵媺仲好有哲理咁話覺得建築真係好宏偉,佢留言:「Coliseum…Took 9 years to build.Incredible.I still can’t recognize all the Chinese characters in the Chinese language and they build an entire arena.(羅馬鬥獸場用咗九年時間就起好,而我仲未學得晒啲中文字。)」

之後茵媺又上載咗張單人相,相信係由老公陳豪操刀,影出嚟真係好有格調,陳豪似乎下過唔少苦功喎!

佢哋兩個去咗羅馬鬥獸場。

陳茵媺仲影咗街頭畫家嘅作品,好有藝術氣息喎!

呢對模範夫婦真係相當恩愛呀~

陳茵媺仲上載咗張好有Feel嘅單人相,應該係由陳豪操刀嘅。
 (東方日報)