【由細靚到大!】但沈卓盈原來細細個係咁…

身為家中孻女的沈卓盈表示很多時由公公婆婆照顧,自言經常跟三家姐。。。

無綫小花沈卓盈靚女又斯文,但原來小時候的性格似足男仔,連她也笑指自己十分曳曳:「我細個一啲都唔似女仔,好男仔頭!成日周圍跑、周圍走,仲會爬高爬低。」

身為家中孻女的沈卓盈表示很多時由公公婆婆照顧,自言經常跟三家姐爭餐飽:「我哋兩個乜都爭餐飽!婆婆見我哋兩個一爭嘢就會『藤條炆豬肉』,我哋就周圍走避婆婆。」

她又指雖然經常與家姐爭嘢打交,但轉頭已經搭番膊頭,無損姊妹感情。

講到最百厭的事情,沈卓盈憶述試過爬鐵欄勁驚險:「試過有一次爬鐵欄,嗰時細細粒,點知一爬上去,我件衫畀鐵欄勾住咗,吊住喺半空!上又唔係,落又唔係,最終嗌救命,叫阿婆嚟救我。」

(on.cc東網)