【上年十月仲未分手!?】但依家就為黎明佗B⋯

黎明就快做爸爸,此消息經過黎生確認後,唔少fans都嚇到跌咗個下巴落嚟咁滯。

黎明一向都好鍾意小朋友,今次女友Wing為佢陀B,自然開心到不得了。本來深閨嘅黎明,變得更深閨,專心在家照顧Wing,一齊迎接小生命來臨。關於Wing嘅背景,連日有不少報道,最為人知係佢曾經做過李治庭助手,以及話佢喺公司呼風喚雨咁啦。

今日有周刊仲披露咗Wing嘅情史,同佢上位之路添。成個故事夠晒曲折而且傳奇,令人歎服。報道指,Wing同黎明拍拖之前,曾有一段婚姻;離婚後,又有一段戀情,對象據知都係富二代。一向對感情事三緘其口嘅Wing,絕少向同事講自己私生活。有指Wing前夫係太子爺,屋企係做飲食生意嘅。佢當年加入A Music時已經係人妻,有啲相熟同事略知佢老公係有米之人,仲笑佢賺銀買花戴。但佢幾時結婚同離婚,就冇人知。

離婚後,有指Wing同車行富二代Vincent拍拖,仲一齊出席周國賢細妹婚禮——呢個係去年十月嘅事。估唔到依家變成為黎明陀B。係咪好神奇呢?

(蘋果日報)