【網民超驚訝勁送祝福】終於公開婚紗照:謝謝大家的祝福

廣告

真係好低調!終於公開婚紗照,仲好開心咁話多謝大家嘅祝福。。。

廣告

廣告

廣告

曾演出經典韓劇《冬日戀歌》、《天國的階梯》嘅42歲女星崔智友,噚日突然宣佈閃嫁拍拖近一年嘅圈外男友,震驚演藝圈。而友姐就表示因顧及對方係圈外人,所以未有刻意公開結婚一事,僅邀請家人出席。友姐嘅婚禮亦貫徹低調,直到噚晚先透過所屬嘅YG事務所公開婚紗照,不過老公仍然只得背影出鏡。

廣告

友姐憑《天國的階梯》打開海外知名度,喺日本、大陸都好有人氣,友姐亦曾拍攝大陸劇《第101次求婚》及《城市戀人》。

對於友姐噚日爆婚訊,中、日兩地嘅媒體同樣大感驚訝,大陸粉絲亦紛紛湧到友姐嘅微博留言祝賀。雖然友姐噚晚先公開婚照,不過其實佢昨午5點半左右已經喺微博發文,以中文寫道「謝謝大家的祝福」感謝粉絲。

(蘋果日報)