【要隔離】Bob:最慘係佢哋要一齊玩



藝人林盛斌(Bob)中午帶同3位女兒到九龍塘出席慈善護眼活動。

談到細兒子日前生病入院,Bob表示:「佢嘅支氣管炎好番好多,太太話如果冇意外,下午可以出院喇。呢幾日我做『帶子洪郞』,又要攞嘢去醫院畀太太,變咗工人姐姐嘅工人。」

之後,林家3位千金都異口同聲地表示掛念弟弟及媽媽,Bob坦言:「叫佢哋以後咳都唔好對住細佬咳,細佬返嚟後都諗住隔離佢哋,唔好再傳染。其實去年佢哋亦試過病完一個到一個,最慘係佢哋要一齊玩,易傳染。我今年許下願望,除咗事業外,最想係家人身體健康。(阿女喺復活節咪冇得去玩?)佢哋媽咪幫佢哋安排咗好多嘢,晏少少又去義賣做義工喇,好有意義嘅。」

談到護眼問題,Bob表示:「大家姐同二家姐冇玩平板電腦,雙眼都有近視,可能係遺傳,佢哋依家戴漸進鏡片,希望幫到護眼啦。」

(on.cc東網)