【胃口唔大都唔長胎】名媛害喜嚴重 日日作嘔

廣告

去年底造人成功,佗B約6個月嘅佢因為害喜太犀利,嘔吐不停又冇胃口,所以佢都減少活動,專心留家安胎。不過,蔡一鳳同老公盛品儒鍾意熱鬧又好客,佢哋趁復活節假期,前日喺屋企搞party,招呼咗約40位朋友BBQ。

廣告

蔡一鳳同老公盛品儒好客,陀住BB都邀請好多朋友返屋企BBQ。

 

蔡一鳳因為佗B,對於現場酒水,佢有得聞冇得飲。佢今日覆傳媒時話:「有時作嘔又嘔唔出,不過工人姐姐有日日煲湯畀我,我都自動自覺多食蔬果。」由於成日作悶作嘔,佢話要食話梅止嘔,胃口唔大都唔長胎,身形仲係好瘦,佢話:「我暫時手腳都唔見肥,只係個肚冇晒腹肌。」

廣告
廣告

蔡一鳳害喜嚴重冇胃口,仲係好瘦。

蔡一鳳話有請教朋友佗B貼士:「女性朋友傳授經驗畀我,要我每日瞓足食飽,飲牛奶,食葉酸,同食埋鈣片,防止遲啲甩頭髮同牙齒出問題。唔郁嘅時候最好抬抬腳休息,防止雙腳水腫。」

 

 

 

 

(Apple Daily)