現年42歲嘅台灣女星林心如，前年嫁咗俾霍建華，舊年仲生埋囡囡「小海豚」，一家三口雖然唔常團聚，不過每次合體都會好閃。
台灣《蘋果日報》今日接獲讀者爆料，指見到林心如同霍建華兩公婆現身醫院，係一齊做全身身體健康檢查。當記者抵達現場後，霍建華夫婦均着住病人衫，同啲醫護人員傾偈。喺等見醫生時，林心如仲含情脈脈咁望住老公，相當sweet。其後有專人接待林心如同霍建華，睇咗約20分鐘到，兩公婆就換番便服離開。
林心如及霍建華今日被發現現身台灣某醫院，做身體檢查。
兩公婆好快就搞掂晒，一齊離開。
雖然未見拖手，但霍建華全程後護妻。
(蘋果日報)
