台灣天王周杰倫（周董）一向都係圈中嘅好爸爸好老公，對家人非常愛錫，唔單止不時抽空陪伴佢哋，仲識變魔術氹佢哋開心，你話咁好男人去邊到搵？原來唔只咁，周董仲識扭得氣球添，真係多才多藝呀！
周董喺社交網分享一段佢極速扭氣球片，片中見到佢好快就扭咗個狗仔氣球出嚟，見佢咁熟手，一秒猶疑都冇，似乎一定係「日夜鍛煉去取勝」，啲女粉絲畀佢冧死晒啦！網友都大讚周董咩都識，非常厲害，仲搞笑話好想周董親手扭隻畀佢，不過大家都係幻想吓先啦，因為呢個福利似乎都係得太太昆凌同小朋友獨享㗎咋！
識唱歌彈琴唔使講，「業餘」變魔術，依家仲扭埋波！
唔只識，仲好有速度！
周杰倫ig
兩三下功夫！
老婆昆凌同小朋友真係開心！（資料圖片）
就扭咗隻狗出嚟！
昆凌及周杰倫（資料圖片）
(東方日報)
