【鄭嘉穎同導演發生爭執】林子善踢爆馬國明:睇新聞聽佢講到自己好勁

    剛成為人夫的藝人林子善出席無綫新劇《棟仁的時光》宣傳,透露擺酒當晚沒有半分醉,皆因要為酒席結帳,問到是否因兄弟團馬國明幫手頂酒所致?子善笑謂:「佢頂我就ok!邊有啫!飲兩杯都係茶,睇新聞聽佢講到自己好勁,但做兄弟點會唔知,平時叫佢食煙,佢就答我食咗三包,佢都唔食嘅,吹水!」

    唔知鄭嘉穎同某導演爭執

    對於有指當晚鄭嘉穎與某導演發生爭執,子善表示聽不到,更謂:「因為林盛斌把聲已經蓋過晒啲人把聲,嗰晚全部朋友喺度,大家好高興。我忙於同賓客影相,影到完場都未完,所以唔清楚件事。(嘉穎飲大咗?)佢識節制,可能大聲兩句會令人有誤會。(嘉穎個樣好嬲!)識佢咁耐,佢個樣講緊笑都唔會笑,未必係嘅,我都冇問番佢。」

    (on.cc東網)

    SHARE