【45歲太太再度懷孕】謝天華：天天要做哥哥了

轉戰大陸嘅謝天華，05年就同圈外女友李天恩(Tina)結婚，2014年就公佈太太以42歲高齡懷孕，今日天華就喺微博公佈太太再度懷孕嘅喜訊。

天華今早11時，於微博貼出一張超聲波圖片，佢好開心咁留言話：「今年將會迎接家裏的新成員，感恩感恩天天要做哥哥了也辛苦了媽媽。」

最後天華更寫上「I love u」送俾老婆，真係好sweet呀！好多網民見到都即刻留言恭喜佢哋，更有人見到超聲波張相，就話估計今胎都係囝囝。

(蘋果日報)