鄧梓峰、王賢誌、陳志雲、顧紀筠、陳浚霆、何麗全及王喜等，噚晚去咗顧紀筠屋企食嘢兼聚舊，嘆足5粒鐘，王賢誌喺微博稱之前就職東華主席，晚宴上太多好友到場，但太少時間相聚，估唔到「招呼不周卻換來另一次口福」，噚日同一班老友邊傾邊飲邊笑邊食，大家再慶祝一次。
劉曉彤婚後息影多年，早前已講明冇乜戲癮，好投入做全職媽咪，專心相夫教子，之不過劉曉彤同圈中朋友感情不變，喺合照中見佢蹺實老友王喜，鄧梓峰亦喺微博寫道：「飯局由7pm食到12am，個個都係talk得之人！大把嘢講，大把嘢聽！」
鄧梓峰又指大家一年難得一聚。
(蘋果日報)
