二人於2010年12月撻着，翌年6月火速拉埋天窗，不時恩愛出席公開場合晒恩愛，結婚多年都未生下兒女，今次自爆高齡佗B令不少粉絲大為驚喜！她表示快將見肚：「都好開心，我哋將會多個人仔，好期待見到佢（BB）！」
48歲《盜墓迷城》（Mummy）女主角麗歌慧絲（Rachel Weisz）近日宣布與50歲「占士邦」老公丹尼爾格力（Daniel Craig）成功造人，準備迎接首個愛情結晶品！她表示快將見肚：「丹尼爾和我都好開心，我哋將會多個人仔，好期待見到佢（BB）！」不過就仲未知道BB性別。二人於本月9日亦有拍拖出席活動，當時麗歌以紅裙遮肚，而丹尼爾不時拖實老婆，完全係廿四孝老公！女方本周三單拖出席電影活動時亦以鬆身衫遮肚，未見孕味！
二人於2010年12月撻着，翌年6月火速於紐約拉埋天窗，不時恩愛出席公開場合晒恩愛，雖然雙方分別與前導演男友Darren Aronofsky及前妻Fiona Loudon育有仔女，但麗歌與丹尼爾結婚多年都未生下兒女，今次自爆高齡佗B令不少粉絲大為驚喜！
荷里活與歌壇近年都有女星及歌手高齡佗B，包括50歲的珍納積遜（Janet Jackson）以及44歲的Gwen Stefani，仲有46歲時爆出佗B的前「邦女郎」荷爾芭莉（Halle Berry）！
(on.cc東網)
