【長期分隔兩地】一見鍾情今日終於修成正果

今日喺facebook宣佈同未婚夫Haris正式結婚,婚後移居倫敦。恭喜佢榮升人妻呀!

曾參加大陸歌唱節目《我是歌手2》嘅27歲馬來西亞歌手茜拉今日喺微博亦貼出結婚相,留言:「感謝所有親朋好友的支持,我與我心愛的真命天子Haris已經許下我們的愛情誓言,正式成為夫妻。希望大家能為我們送上美好的祝福,我們會一直幸福下去。」一對新人着白色馬來傳統服,新娘子依偎Haris身邊,未知係唔係一對新人有啲緊張,個樣睇落有少少嚴肅。

茜拉婚後移居倫敦。微博圖片

據台灣報道指茜拉同Haris於2010年認識,當時對Haris一見鍾情,由於二人長期分隔兩地,感情冇咩進展,直至2017年8月,先開始拍拖,相戀2個月即宣佈訂婚,去年11月3喺馬來西亞搞訂婚儀式,訂婚5個月後,o依家終於拉埋天窗。

茜拉對Haris(左)一見鍾情。微博圖片

 

去年11月3喺馬來西亞搞訂婚儀式。facebook圖片

 

之前茜拉上《我是歌手2》節目,同G.E.M.老友鬼鬼,G.E.M.同男友Mark感情穩定,唔知幾時到G.E.M.好事近呢?

茜拉曾參加大陸歌唱節目《我是歌手2》
同G.E.M.超老友
G.E.M. 身邊好朋友都差不多結曬婚,希望快D到佢自己啦!

 

 

(apple daily)