【覺得啲人反轉豬肚】吞吞吐吐:其實依家係分咗手一段嘅過度期

    最初佢就表現吞吞吐吐唔想講,問到係咪關於感情事?佢就話:「其實依家係分咗手一段嘅過度期,近排就發生咗啲嘢,就覺得啲人反轉豬肚,仲瞞騙我,所以就覺得好唔開心。」佢又直認係有感而發,又話都覺得可惜。。。

    「咪神」陳婉衡(Alycia)不時都喺社交網大派福利,每次出post都會令到一班網民心心眼。今日Alycia又喺社交網上載一張紅色火辣三點式照,仲笑得好開心,不過佢嘅留言就似乎圖文不符,就好唔開心發文話自己信錯人,摧毀咗自己一直以嚟對對方嘅信任,佢表示「I’m not crying because of you; you’re not worth it. I’m crying because my delusion of you is shattered by the truth of who you are. Thank you for the valuable lesson, I trusted you. My mistake, not yours.(我喊唔係因為你,因為你唔值得,我喊因為摧毀咗自己一直以嚟對你嘅信任,多謝你令我上咗一堂寶貴一課。)」

    大批網民都留言問佢咩事,仲叫佢過去嘅事就由得佢過去,希望佢快啲振作番!

    Alycia接受東網電話訪問時,最初佢就表現吞吞吐吐唔想講,問到係咪關於感情事?佢就話:「其實依家係分咗手一段嘅過度期,近排就發生咗啲嘢,就覺得啲人反轉豬肚,仲瞞騙我,所以就覺得好唔開心。」

    佢又直認係有感而發,詳情就唔講,又話都覺得可惜,因為係身邊人發生呢啲事:「係唔開心,但冇辦法,會繼續面對明天,經一事長一智。」而佢都話依家已平復心情,幸好身邊有一班好友陪伴佢,所以心情都OK!」再問係咪對方偷食?Alycia則支吾以對:「放過我啦,唔講喇!多謝大家關心!」

    (on.cc東網)

    SHARE