早前大陸突然傳出47歲嘅「四爺」吳奇隆，同細佢16年嘅劉詩詩離婚，三年婚姻劃上句號，當時仲話係劉詩詩出軌並懷孕，但BB爸爸唔係吳奇隆，標題仲寫著「卓偉爆料：劉詩詩承認婚內出軌，和吳奇隆已協議離婚！」被離婚消息傳出後，吳奇隆即委託律師發聲明駁斥，以平息今次嘅風波。
平息咗被離婚事件後，日前就有粉絲喺社交網分享咗吳奇隆同老婆劉詩詩喺貌似日本嘅電車上嘅相，相中見到吳奇隆拎住自拍神棒，同老婆、朋友自拍，劉詩詩仲撲喺老公嘅膊頭上，真係好sweet㗎。
而噚日再有粉絲喺日本嘅清水寺，野生捕獲到吳氏伉儷嘅相，有指清水走係觀光勝地，亦有傳該寺求子、安胎都好靈驗吓，唔知佢哋係咪去求子呢！？
(蘋果日報)
