【承認大女…】林海峰:分分鐘有變化

林海峰出席喺啟德郵輪碼頭出席新車發佈會活動。佢第一次同汽車品牌合作壓力好大,驚自己會雙倍奉還,試過錄有關於汽車廣告,真係千倍奉還咗,要有定力,今次盡量hold住情緒,不過家中車位有限今次應該可以免疫。

有指林海峰大女林泳已到外國升學,林海峰開腔回應話:「寫嗰個人早咗一年,實際仲喺屋企,早咗一年就唔存在喺生活裏面啦。」至於係咪有人斟阿女入行做歌手,林海峰話:「我都接觸唔到我個女喎,佢好忙準備升讀大學。」不過佢就承認大女真係會出國留學:「出國係啱,時間錯,一半錯一半啱。」但始終唔肯透露打算去邊一個地方升學,仲話:「呢啲嘢冇得plan,唔係叫外賣,分分鐘有變化。」

相關圖片

老婆彭羚同大女林泳 (資料圖片:蘋果日報)

 

 

 

(Apple Daily)