繼上次有女粉情急之下就話：「我想點一首你寫給蔡依林的歌。」周杰倫反應超快即時神回：「蔡依林是誰？」今次再有女fans問呢個問題，周董繼續反應超快咁答＿＿，唔少網民笑佢「救生意志」好強。。。
周杰倫一連兩場嘅成都演唱會，噚日完滿結束，之前有傳大陸黃牛黨炒燶飛，原因係票價炒得太高，超乎歌迷嘅負擔能力，加上演出場地距離市區超過30公里，受交通管制，歌迷要行3公里嘅泥路，先到達現場，結果歌迷拒買黃牛飛，咁用正價買到飛嘅fans當然開心。
周杰倫每次開騷都有一個點唱環節，呢個都幾經典…之前喺杭州個唱有一個女歌迷點唱《算什麼男人》送前男友，而香港站就有甩拖嘅吳千語同周杰倫合唱失戀歌《彩虹》贈林峯；今次去到成都站點歌環節，周杰倫問一對情侶：「你們家裡面誰比較凶？」男fans回答：「她比較!」周杰倫喺台上話：「哦!看得出來。」女fans即反擊：「我問你一個問題，你們家誰比較凶？」周杰倫人急智生，直接講：「你不能問我問題！」
唔少網民笑佢「救生意志」好強，繼上次有女粉情急之下就話：「我想點一首你寫給蔡依林的歌。」好彩周杰倫反應超快即時神回：「蔡依林是誰？」今次未知佢老婆昆凌係唔係現場，差啲就中伏。
(蘋果日報)
