至於問到今年會否再舉行慈善跑並落場支持？佢似乎意有所指，疑似默認有孕：「今年9月都會再搞，不過就未必會落場，嗰個時間唔適宜。（係咪好事近？）主要係唔想太過操勞，想養好個身子。（有咗BB嘅話幾時公布？）緣分到，大家自然會知。」
藝人吳日言（Yan）今日孖住老公，出席萬希泉新錶發布會。提到少有與老公一同出席活動，Yan指上年舉辦慈善跑時幸得萬希泉贊助，故今次齊齊撐場報答。至於問到今年會否再舉行慈善跑並落場支持？Yan似乎意有所指，疑似默認有孕：「今年9月都會再搞，不過就未必會落場，嗰個時間唔適宜。（係咪好事近？）主要係唔想太過操勞，想養好個身子。（有咗BB嘅話幾時公布？）緣分到，大家自然會知。」
提到較偏愛男仔定女仔，Yan指與老公各有喜好：「我鍾意女仔，可以同佢扮靚，同埋女仔多數黐屋企啲。老公就比較sporty，所以佢鍾意男仔多啲。不過其實生仔生女都開心，因為都恨咗好耐，仔女都係我嘅寶貝。」
至於問到現的身體狀況？Yan則表示：「冇乜唔舒服，暫時都冇分別。」
(on.cc東網)
