43歲嘅台灣藝人徐若瑄(Vivian)，14年同新加坡籍男友李雲峰結婚，翌年就生咗李V寶(Dalton)，轉眼李V寶已經兩歲幾，Vivian都會不時喺社交網，同大家分享吓囝囝嘅生活照，今日佢又喺ig度貼咗一張相喇，但今次就唔係開心些牙，而係李V寶曳豬，被姨姨罰企嘅相。
是咁的，Vivian喺ig度貼咗一張李V寶同一個哥哥罰企嘅相，Vivian留言話：「趁媽咪去工作不在家時，學哥哥從高高的床上跳下去差點撞到頭，於是阿姨說：站著反省10分鐘！反省完還要說：我以後不會從床上跳下來了！確定他真的知道自己做錯了什麼」
相中見到李V寶個樣好認真，相信佢係好認真咁諗緊剛才喺床度跳落床，係有幾危險，能夠從錯誤中學習，李V寶真係好乖仔呀！大家可能會覺得身為媽媽嘅Vivian一定會好嬲，但最後佢竟然喺最後嘅留言話：「怎麼媽咪我都覺得好可愛」，不過天下父母都會覺得自己嘅小寶寶係最可愛嘅，應該係，除非唔係！
(蘋果日報)
