【被觀衆狠批】夏文汐:長得太美是我的錯

    有時睇劇確係令觀眾睇得好肉緊,尤其係睇無綫劇《逆緣》講息影女星「翁芷蕎」夏文汐同37歲黎諾懿嗰段姊弟戀,本來戲情係黎諾懿患絕症,夏文汐陪伴一直不離不棄,呢段感情戲都幾淒美、幾感人,未知係唔係黎諾懿fans感不滿,定係觀眾唔太受落,《逆緣》去到尾聲,夏文汐忽然遭大陸觀眾狠批,指佢演技差、個樣老等等。

    有位大陸網民更喺微博留言俾夏文汐,寸夏文汐「戲屎」同講嘢㪐㪐㩿㩿(甩甩咳咳),夏文汐噚日於微博回應:「罵我成這樣!」同時貼出呢位大陸網民嘅留言,貼上一張劇照寫住「長得太美是我的錯」,反擊呢位大陸網民,有網民戥佢唔抵,叫佢唔好嬲嬲;此外,啲網民唔止講52歲夏文汐嘅外表,就連63歲「Mary姐」韓馬利都被讚keep得好,話佢連鮮艷嘅顔色都carry到,喺劇中嘅角色大方得體。

    夏文汐用呢張圖反擊網民

    相關圖片

    韓馬利

     

    (apple daily)

    SHARE