多次獲影后殊榮嘅張曼玉近年甚少喺幕前現身，對上一次都要數到以嘉賓身份亮相謝霆鋒主持嘅《十二道鋒味3》，加上佢長時間喺外國生活，想撞到佢真係隨時難過中六合彩，不過呢個機會都終於出現啦！事關張曼玉返咗香港。
話說有位外國人喺中環一間餐廳撞到張曼玉，同佢合照完仲放上網同大家分享，從黑白相中見到頭戴Cap帽配淺色Tee嘅張曼玉對住鏡頭笑晒口，相信當晚佢都應該同朋友玩得好開心，雖然張曼玉已經年屆53歲，不過喺佢嘅面上未見有太多嘅歲月痕迹，作為女神級嘅張曼玉真係天生麗質。
(on.cc東網)
【激罕曝光】53歲張曼玉依然咁靚~
