【汪明荃羅家英曾志偉到齊】Do姐好激動:我上嚟並非為接花球嘅

    舉辦咗一場世紀婚禮,當晚婚宴嘅來賓更加係大有來頭,汪明荃、梅艷芳、鄭裕玲(嘟嘟)、曾志偉同羅家英等都係座上客,呢日big big channel就喺社交平台專頁上載一條名為「三大阿姐踩場賀任達華、琦琦」嘅短片,重溫番1997年名模界金童玉女任達華同琦琦世紀婚禮,當時《城市追擊》採訪兩人婚禮嘅盛況!

    名模界金童玉女~

    當年嘟嘟同汪明荃都有份上台接花球!

    好襯呀~

    嘟嘟笑汪明荃恨嫁!
    有網民話Do姐鄭裕玲當年已經好搞笑!(資料圖片)

    片段中,任達華同琦琦華麗登場,仲喺眾人面前咀嘴,安德尊當年做採訪記者,訪問琦琦爸爸時,呢位外父仲大讚女婿樣樣都「頂好」。之後到上台搶花球環節,三大阿姐汪明荃、梅艷芳同嘟嘟仲大放笑彈,嘟嘟好激動咁辯護:「我上嚟並非為接花球嘅,我見到阿梅(梅艷芳)個樣好恨,阿姐(汪明荃)個樣好恨,所以我護送佢哋上嚟嘅,係咪呀?」梅艷芳即刻反駁:「點會係我恨呢嘟嘟?我苦無對象。」嘟嘟繼續搞笑話:「咩呀,我見你成晚對住趙文卓!」而汪明荃就全程笑笑口,雖然片段冇交代最後係邊位阿姐搶到花球,但網民都估計係汪明荃,事關佢2009年真係同羅家英結咗婚。

    琦琦爸爸對任達華讚不絕口!

     

    同樣係座上客嘅羅家英聯同曾志偉喺玩遊戲時着上黃色毛毛比堅尼,兩位仲chok晒咁邊行catwalk邊擺甫士,令在場來賓捧腹大笑,網民都大讚成個婚禮好正呀!

    曾志偉仲着上黃色毛毛比堅尼!

     

    汪明荃羅家英當年都有到場,不過就未結婚。(資料圖片)

     

     

     

     

    (on.cc)

    SHARE