無綫藝人袁偉豪一劇接一劇，他擔任男主角的劇集《棟仁的時光》熱播中，而他亦正忙於為無綫新劇《鐵探》拍攝，不過就算點忙，袁偉豪一有時間都會相約一班好友飯聚，而5月11日亦是他的正日生日，趁一班兄弟陳山聰、單立文等有空檔，他們即刻一pair pair咁同埋另一半出動，山聰更帶晒香檳到場，提早為袁偉豪慶祝生日。
袁偉豪接受東網訪問時坦言：「嗰日都係見到啲傳媒喺樓下，佢哋等緊其他藝人朋友，不過我哋都係簡簡單單食吓飯，並唔係專登搞乜嘢生日會，（之後生日有乜慶祝，要否開工？）無呀！我都係想簡簡單單，如果唔使開工有時間就同啲朋友食吓飯咁！」
(on.cc東網)
