【兩人最近成功跑出】被捕獲酒樓見家長:希望發展人生下一階段

    在娛樂圈捱足15年,最近憑大台劇跑出,女友一直陪佢捱過低潮,上緊位嘅男藝人冇飛甩同甘共苦嘅女友,日前仲帶女友見家長陪老人家食飯,被讀者陳小姐透過傳媒分享,甜蜜又孝順。

    當晚約8點幾,讀者陳小姐話喺馬鞍山嘅酒樓,見到陳家樂同父母食飯:「成枱6、7個人,除咗佢同女朋友之外,其他都係長者,佢幫手斟茶又夾餸,好多人搵佢哋影相,有啲女仔,連阿叔都影,佢出去埋單時,被阿叔捉住佢影相,佢好friendly,擺低嘢同阿叔影。」

    憑大台劇《逆緣》跑出嘅陳家樂

     

    家樂喺電話回覆《蘋果》表示:「唔係特別見家長,因為好耐都冇同嫲嫲食飯,其實好普通一個家庭聚會,有人認得我哋合照好開心。」家樂話女友Jennifer同家人經常見面,父母對女友印象好好:「佢哋覺得Jennifer好乖好上進,同埋覺得佢幫到我。」好旺你?家樂話:「佢哋都係咁覺得,不過主要係覺得我冇乜自制能力,有Jennifer喺度就可以令到我成熟啲。」

    (讀者陳小姐提供圖片)

    問到點樣冇自制能力?家樂坦言:「即係啲錢唔知攞咗去邊度用,佢幫我好好咁管理我成個人,我唔知係咪叫大使,係成日唔知使咗去邊,出糧之後又買結他又買相機,因為自己有拍嘢,見到新科技就想買,咁就用多咗啲錢。」女朋友幫你儲錢?家樂自爆:「我要寫報告囉,要每日話畀佢知啲錢用晒去邊度。」女友每日畀你用幾多錢?家樂話:「又冇咁樣去計,佢都知我有時要同朋友、同事食飯,但要知道我用得係啱,普通食茶餐廳二、三百蚊都夠用。」

    (讀者陳小姐提供圖片)

    家樂仲大讚女友好錫佢嘅父母,成日買嘢畀佢屋企人。記者笑佢可以好放心,最難搞婆媳關係冇問題,家樂笑說:「我諗呢個應該唔存在嘅。」問到幾時結婚?家樂表示:「睇吓儲錢儲成點先,o依家首期都未有,努力啦,希望盡快發展人生下一階段。」

    余香凝的圖片搜尋結果

    女友余香凝Jennifer近年喺電影圈發展順利,上年更踏足樂壇,成績相當不俗!

     

    上年被傳媒在地鐵站拍拖 (資料圖片)

    十指緊扣(資料圖片)

     

    (apple daily)

    SHARE