【4個月後結婚喇!】自己親手整結婚戒指!

日前到演藝學院觀賞音樂劇,她透露母親節會與婆婆飲茶食飯,慶祝活動全由男友準備,又表示為9月的婚禮已訂造服裝給婆婆。問婆婆有否為多咗個孫仔而開心?她說:「有呀,有時都有點佢做家務,負責收衫洗衫同拖地,好似多咗個家務助理。(送咩禮物?)冇呀,本身想送,但佢話造咗套衫當係,反而仲話封利是畀我。」

婆婆好精神!

卓韻芝開心到見牙唔見眼!

問到婆婆套服裝會否好潮?藝人卓韻芝(阿芝)坦言原先打算揀婆婆裝,怎料她揀了套名牌款式:「好優雅,好似妮歌潔曼會着啲款,好識揀。(佢送咩首飾畀你做嫁妝?)叫佢唔使,佢好想送,但我唔習慣戴首飾,又成日唔知擺喺邊。」談及訂婚戒指由未來老公設計,阿芝直言打算結婚戒指都由自己整:「覺得有意義啲,但我諗我會扮整,手功好差。」

卓韻芝的婆婆也催促說:「快啲生番個。」卓韻芝則笑說:「一單還一單,婚禮都未搞掂。」她透露已揀好婚紗,但婚紗窄得難以穿着,現在要努力操弗身形,穿起婚紗會更靚。

婆婆搞笑催卓韻芝快啲生番個

 

 

(on.cc)