藝人袁詠儀（靚靚）早前出席活動，自爆一直以嚟屋企都「冇母親節」，因為囝囝張慕童（魔童）冇呢個意識，仲話就算靚靚自動送上門魔童都係搵爹哋張智霖，所以靚靚都冇特別期待每年嘅母親節……講到咁慘，今個母親節點先？！
祝賀卡加埋冧爆字句，靚靚狂嗌感動！
連送花都要寫住下款係「唯一的魔童」。
鏡頭一轉，靚靚今日終於都「吐氣揚眉」喇！佢急不及待就喺社交網上載新相，原來魔童今年忽然Sweet爆同靚靚賀母親節，佢仲好有心咁自製祝賀卡，上面印咗佢哋一家三口嘅全家福，加埋魔童親手寫上冧爆字句，多謝靚靚對佢嘅照顧，仲話多謝靚靚踢佢生命咁話，加埋大大紮鮮花，唔怪得之靚靚話自己講咗連續十多句Oh My God，呢個大驚喜真係氹到佢勁開心，又大讚卡中說話真摯動人，隔住個Mon都feel到靚靚幾咁激動！魔童其實好錫媽咪！
嘩，睇見啲花都甜入心啦～～～
(on.cc)
